Ветеранал - чемпионал

Дагъистаналда цIакъго машгьураб ва киназего бокьулеб спорталъул тайпалъун ккола эркенаб гугари. ЦIар рагIарал гугарухъабаз дунялалдаго машгьур гьабуна МугIрузулаб улка. Гьелъие нугIльи гьабула дагьал церегIаи къоязда Югалъулаб Африкаялъул бищунго кIудиязул ва берциназул цояб Порт-Элизабет шагьаралда мастерал ветераназда гьоркьор тIоритIарал ТIолгодунялалъул хIаязда (гьезда жеги абула ветераназул Олимпиялъул хIаялиланги) гIахьаллъи гьабуна Россияльул тIaca бищараб командаялъул 12 ветеран-гугарухъанас. Гьезда гьоркьов вукIарав кIиго дагьистанияв: ГIабдулмалик ГIалидибиров ва МухIамад Бадрудинов рахъана гьел къадруял къецазда эркенаб гугариялъул рахъалъ чемпионаллъун.

Олимпиязул хIаязул гlaхьалчагIазул рагIабазда рекъон, гьел къецал гIуцIун pyкIун руго тIадегIанаб даражаялда. Гьел хIаязул гIуцIиялъулаб комитеталъул председательлъун вукIун вуго ЮАРалъул цеве вукIарав президент Нельсон Мандела. Гьел рагьиялъулъ гIахьаллъи гьабун буго пачалихъалъул гьабсагIат вугев бетIерасги. Россиялъул командаялъул капитанлъун вищун вукIун вуго бищунго хIаракатав гьелъул гIахьалчи МухIамад Бадрудинов. Гьел къецазда гIахьаллъизе xlaдурлъулев вукIарав цойги дагъистанияв МухIамад ТIалхIатов гьел тIоритIилелде цере¬сел къоязда хIетIе къуркьун Африкаялде инчIого хутIана.

Алидибиров Абдулмалик Магомедович.
id:100144025166

ГI. ГIалидибировас ва М. Бадрудиновас гьединал къадруял къецазда гIахьаллъи гьабуна тIоцебесеб нухаль. Гьединлъидал, гьезул рагIабазда рекъон, бергьенлъиялде щавкъ букIун буго цIакъго кIудияб.

ГI. ГIалидибировас бицухъе, ЮАРалде къецазде ине хIадурлъулаго тренировкаби тIоритIулел рукIун руго тIубараб къоялъ.

Ветераназ жидсего хIукму гьабун буго, чемпионаллъунги рахъун рокъоре тIадруссине гурони, гьедин рикIкIадаб сапаралде ун лъикI гурилан. ГIабдулмалик ГIалидибировасул буго 62 сон ва гIумру гьабулеб буго Хасавюрт районалъул Октябрьское росулъ. ГIелмияб кьучIалда халкьияб медицинаялъулаб къагIидаялъ гьес сах гьарула гIадамал. MyxIaмад Бадрудинов жиндирго гьудуласдаса гIолохъанав вуго ва гьес тIубана 55 сон. Эркенаб заманалда рахъула суратал ва гьарула гIарац-меседалъул тIагIелал.

Гьел ветеранал-гугарухъабазул гвангьараб гьимиялъ ва гIебал гъуждуз нугIлъи гьабула, гъира бугони, гIумруялъул бокьараб ригьалда спорталде машгъулльизе, бергьенлъаби росизе ва берцинаб гIумру гьабизе бегьулеблъиялъе. ТIолгодунялалъул хIаязда кIиявго дагъистанияв бергьана киналго дандияздаса. Меседил медалазда тIадеги Дагьистаналдаса мастерал ветераназе щвана хасал призалги: ГIалидибировасе бергьенлъиялде бугеб шавкъалъухъ, Бадрудиновасе - бищунго лъикIаб техникаялъухъ.

РикIкIадаб Африкаялде ине гьезие спонсорлъиялъулаб кумек гьабуна Хасавюрт шагьа-ралъул администрациялъул бетIер Арсен МуртазагIалиевас, МахIачхъалаяльул дармил порталъул генералияв директор, ДРялъул Халкъияб Собраниялъул депутат Абусупьян Хархаровас, Гъизилюрталъул «Дагъэлектроавтомат» заводалъул директор АбутIалиб ГIабдулмутIалибовас, Хасавюрталдаса предприниматель ГIумар МухIамадрасуловас, Шамил районалъул больницаялъул бетIерав тохтур МухIамад ТIалхIатовас.

Бадрутдинов Магомед .
id:000044042196

Ветеранал-мастеразул гьитIинаб Олимпиялъул чемпионал кIодо гьаруна Дагъистаналдаги. ЩуцIул дунялалъул чемпион ГIали ГIалиев раIкIалде щвезавиялъул эркенаб гугариялъул XXXVII халкъазда гьоркьосеб турниралда бергьаразе шапакъатал кьолеб заманалда, ДРялъул физкультураялъул ва спорталъул министр ШагьгIабас Шагьовас салам кьуна ветераназе ва данделъаразда бицана МухIамад Бадрудиновас на ГIабдулмалик ГIалидибировас рикIкIадаб Африкаялда босараб бергьенлъиялъул хIакъалъулъ, министрас гьезие кьуна аза-азар долларги. Гьаб иргадулаб нижерго бергьенлъи нижеца сайгъат гьабула Дагъистанальул тIоцевесев президент Myxly ГIалиевасе. Гьединго нижее бокьун буго нижер тренерал, насихIатчагIи Муртуз МуртазагIалиевасе, Шамил Хуталиевасе гьезул захIматалъухъ, сабруялъухъ ва нижеда тIад гьез хвезабураб заманалъухъ кIудияб баркала кьезе. Баркалаялъул рагIаби абизе бокьун буго ДРялъул физическияб культураялъул ва спорталъул министр ШагьгIабас Шагьовасул, рикIкIадаб сапаралде ипе ва бергьенлъигун тIадруссине нижее кумек гьабурал тIадехун рехсарал спонсоразул рахъалъги, ян абуна гьал къоязда редакциялде рачIум рукIарал ветеранал-чемпионаз.