Гьаб соналъул 24 июлалъул щамат къояльулъ кIиабилеб бащалъиялда какиеги чурун вукIадго цудунго речIараб захIматаб унтудаса хадув нилъедаса накълулъана Хасавюрт шагьаралъул бетIераб мажгиталъул имам, имам АшгIариясул цIаралда Буге Исламияб университеталъул ректор, тарикъаталъул устар, Дагъистаналдаго рагIи билъарав ва рикIунев гIалим Абубакаров МухIаммадсайид-хIажи (къ.с.).

Абакаров Магомедсаид (КIудияв).

ЦIумада райналъул Хуштада росуль 1939 сональ гьавурав гьев динияб агьлуялда гьоркьов вукIана ва хутIана Къуръан-хIадисалъул тIалабаздаса къуруларев, гIелмуялда жиндир гIамал рекъарав гIалимлъун. Дагъистаналда тIобитIулеб дагъабниги жиндир кIвар бугеб мажлисалда МухIаммадсайид-хIажи (къ.с.) шайихасул пикру цIехолаан, гьесулгун гIакълу данд балаан.

Хасавюрталъул регионалда цIунун хутIун бугеб ракълилаб гIумруги, парахалъиги, гIодобе биччайги, шагьаралъул халкъалъ М-С. Абубакаровасул цIаралдаги баракаталдаги бухьинабула. ГьитIинасе эменльун, дандиясе вацлъун кIудиясе васлъун вукIаян имам Шамилица гьабураб, насихIат гьесие гIумрудул магIналъун букIана. Гьелъги батила жиндир рухI Алжаналда батаян ва нилъее баракатги щваяв, Дагъистаналдаго машгьурав, кIудияв гIалим, Кьохъа СултIанмухIаммадида Дагъистаналъул чIаго ругел цIаларал чагIаздаса щив дуца цеве кколевилан гьикъидал? Гьес Хуштадаса МухIаммадсайид-хIажи кколилан жаваб кьураб.

ГIелмудул ральад, гьаб заманалъул исламалъул байрахъулав МухIаммадсайид-хIажи Абубакаров (къ.с.) нилъедаса ватIалъана бечедаб рухIияб ирсги нахъе тун. Гьев вукIана Исламалъул бахIарчи, гьельие нугIлъи гьабула Рагьул кор боркьараб заманалда Дудаевасухъеги ун нужеца хIалеб жо гьазават гурин, гьеб бугин гIададисел биял тIеян абиги. Жиндир баракат бахаяв, гьесул мутагIилзаби рахъана Дагъистаналъул муфтилъун, Дагъистанльул гIолахьанал гIалимазул къецазда бергьаравги гьесда цеве цIаларав вукIана. Гьединал гIалимазул къадар Дагъистаналдаго нусилъа бахуна.

Дагъистаналдаго машгьурав гIалим, тIарикъаталъул устар, цIияб Костекалъул имам МухIаммад-Афандияс (къ.с.) абуна, гIарабиялдаса М-С. Абубакаровасе рачIарал устарлъиялъул ижазаялъул кагътал жиндихъ ругилан ва микъат (цIвабзазул гIелму) гIелмуялъе гьесухъе вахарав чи жинда лъаларилан. Гьединав кIудияв гIалим хвей гIалам хвей кколилан буго Аварагасул (с. т. гI. в.) хIадис. Гьелъги батила гIалимасул ватIналда Хуштада росдал хабзалалъ МухIаммадсайид-хIажи вукъулаго вагIза гьабизе рахъарал Дагъистаналдаго машгьурал гIалимзабазда магIу кквезе кIолеб букIинчIеб ва вагIзаялъе рагIаби ратулел рукIинчIел.

Хасавюрт шагьаралъул администрациялъ, шагьаралъул Халкъияб Собраниялъ ва шагьаральул жамагIаталъ гъваридаб пашманлъи загьир гьабун зигара балеб буго шагьаралъул имам МухIаммадсайид-хIажи (къ.с.) къадаралде щвеялда бан гьесул хъизан-лъималазда, гIагарлъиялда, тIолалго гьесул рукIара мутагIилзабазда, мюридзабазда, Хуштада росдал ва ЦIумада районалъул жамагIатазда. Жакъа зIахIмат буго гьев машгьурав гIалимасул вагIза-насихIат рагIулареб Хасавюрт шагьаралъул букIинесеб цебе чIезабизе. Гьаб нилъеда тIаде щвараб кIудияб камиялъул гIаммаб къварилъи борхизе БетIергьанас нилъее Жив разияб сабру кьеги, хварасе Алжан насиб гьабун батаги, нилъее гьесул баракатги камугеги. Амин,

Къо-мех лъикI дуе, нижер къадруяв имам!

Хасавюрт шагьаралъул администрация.
Шагьаралъул Халкъияб Собрания.
Хасавюрт шагьаральул жамагIат.

Тарих ц1ехолев,гьеб ч1аго гьабулев инсан,дида кола жакъа къоялъ гьев ващад гьавизе бегьулин дол кьалул г1асра�... и это еще не все

И правда шикарное место для отдыха,проверено лично.... далее

По шариату,побрыв бороду оставлят усы,зопрещается! Так, что следуйте сунне пророка Мухlаммада(с.а.в.). наращив�... и это еще не все

От имени всех тиндинцев , которые проживают на Украине, тоже поздравляют тиндинца с большой буквы Иманмагоме�... и это еще не все

От имени всех жителей села Санух, поздравляем Абдусаламова Иманмагомеда (якъинго) с бракосочетанием сына Маг... и это еще не все

Салам алейкум.мусульмане,делайте дуа за брата,который стоит на фото последний(справа)это Гаирбеков Газимаго�... и это еще не все

А правда ли, что в Хунзахе есть улица названная в честь Гаджимагомеда?... далее

Ответ Муслимке от 19.02. Приведу антикомментарий связанный с ношением креста. Думаю, "Гангстеру" это "по... и это еще не все

Поздравляю тебя сосед с днем рождением желаю тебе всё кроме ничего главное здоровье... далее

Шахбанову Хаджи - 8 905 158 10 12, 8 903 873 73 18.... далее

Подать заявку на участие в туристическом походе в июне 2010г. к горе Адало-Шухгельмеэр и Заинкорт по Цумадинскому району Дагестана.