Щайзе Аллагь дуца ракI бацIцIадаб кьун,
ГIадлу бокьулеван гIумру халат кьун.
Божулъ рекIкI гIемераб гIагарлъи бугеб
Бидул кьаби борхун дун унтун толев?

Щай ритIухъаб калам хIарам гьабураб,
ХIалтIулъ балъголъаби гIемер рижарал,
Гьал дуца гIагарал дий гьаруразе.
Дур нухдасан хъуштIун жалго къосине?

Шайха гьал къавмазе рацIцIалъи кьечIеб.
ГурхIел гьечIеб хъачIлъи гьарза гьабураб,
Гьудуллъи лъугIарал, хIилла цIикIкIарал
Гьал чагIигун дуца кигIан дун толев?

Жидер рокьаразул тIекъалаб бахчун
ЧIечIони тушманлъи рагьула дунгун
ЦохIо хIакъикъияб къабул гьабизе
Щай дида тIад къараб къудратав Аллагь

Гьарула дирги халкъ ракIалги рацIцIун
Цо зарул килшалгIан цолъизареян
СихIирлъи гIемераб, жалго хириял.
Иманалде рачун ритIизареян.