ГIенеке дур ургьисан ахIулел рагIабахъги
РитIухълъигун иман, яхI, чорхолъ цIунарав инсан,
ГIенеке дур ургьисан ахIулел рагIабахъги
ЦIцIани вехьасда кIвечIеб гIиял вехьасдаги кIун
Росу цIилъун халкъ цолъун цебе тIураб бакI бихье.

Хъамалчи, вичарухъан нух малъула росулъ тун,
Росдал гIадлугун, яшав лъикIлъгунги киб бихьараб.
ГIумруялъул хIалбихьи пикру гьабун бажари
Инсанияб гIакълу лъай хIажатаб бетIерасе

ТIадчагIазги нилъер халкъ бокьухъ букIаян тана
Гьезий магъало кьолел гIухьбузухъ хьвагIун тана
Исламияб шаригIат малъичIого имамги
Мажгиталда цIакъав хIан хIакимазе къулула

Халкъ мискинлъун хъачIлъана,жагьиллъиялъ бецIлъана
Гьабизе жо тIагIарал, къосулаго гIинкълъана
ГIакълу жедее кьолел гьазие къабуллъичIо
БукIарабги гIаданлъи росулъан баршун ана.

Гьаниб жамгIият гьечIо тухумал ратIа руго.
ХIилла рекIкI цIикIкIун буго вацлъиги лъугIун буго.
ХIалалабгун хIарамаб, хIакъикъияб батIулаб.
БатIалъи гьечIеб гьаб халкъ жибго те ГIусман дуца.

ШаригIатги законги дур аслияб нух батун
ВокьичIевин инсан мун гIадлу хIажат гьечIезе
Карьера дур хвезабун, росулъе мун аниги
ХIалалго хIалтIизеги хIалихьатаз мун течIо

Мажгиталда имамгун канторалда бегавул
Хьвада чIвади лъикIалал бегьичIо хъантIаразе
Дур санагIат канани Аллагьасги мун тани
Хадусел наслабазде бицунте къимат кьезе.