Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

Назад

Росабазул жамагIатазде

Газета ХIакъикъат 2006г.
ЖахIда цоцалъ бижараб, хъамалчилъи гIемераб
Балъголъаби цIикIкIараб, цIаларалги нахъ чIвараб,
Цогидазул ургъел тун мунафикълъи бищиялъ,
Иманалде ахIизе захIматаб халкъ гIун буго.

Пачалихъалъул закон чучлъун хIалтIуларелъул,
ХIакъалдасан батIулаб батIа гьабулеб гьечIо.
Тафсир тун таъвилалда гIемерисел чIун руго,
ГIадлу, бажари бугев цевехъан гьаз толаро.

ХIукуматалда жаниб гIадлу-низам лъугIидал
Вацал-яцалазулъги гьуинлъи дагьлъун буго.
Такъва шибжо кIочана, мушавара тIагIана,
Гьеб данде бачуневги бетIер гьаз вищуларо.

КIудиясул адаб тун, гьитIинасул агъаз тун
Къуръаналда какараб ургъел гьечIолъи буго,
АскIосел чидар гьарун чидаразда къвал бала,
Росдаего жив лъикIав хIаким рикIкIад гьавула.

ТIахьазда жиб бецулеб шаригIат малъуларо,
Малъараб босизеги гIакълу гьанже гIолареб
Гьелдасан инкар кквезе изну гIалимас кьолеб
Балагьун ракI гурхIараб халкъ гIун буго росабалъ.

РитIухълъиги законги, исламги, шаригIатги
Аслулъун гьаз течIого пашманго вукIуна дун.
Гьанив дун мекъи вукIин лъицаго чIезабичIо,
ГIадлу росулъ гьечIого щущалеб буго дир халкъ

Шивас нафсалъул гуреб цадахъалъул ургъел тей
ХIакимзабазе хIели, хIарамаб хIалтIизаби
ГIадатлъун лъугьун буго гьал бидгIаял чагIазул
ГурхIа мун, Аллагь гьазда иман лъе Дуца гьазулъ

ГIумруялъул хIал бихьи пикру гьабун бажари
Исламияб рацIцIалъи хIажатаб бетIерасе.
Бусурманаб шаригIат чорхолъ хIалтIуларесги
Машгиталда вагIзаги гьаби рекъон кколаро

Тухум кьибилал цолъун, ритIухълъиялда хьвадун
КIалбазар жагьил чагIи гIадлуялда чIезарун,
Жив-живасул махшелгун хIалтIуда гIадамал тун
Бегавуллъи гьабизе више гьелъий куцарав

Биххун гучаб улка-ракь хъамалчагIахъе кьедал
ВатIаналдаго ханлъи иман дагьазухъ щвана.
ХIалалабгун хIарамаб ритIухъабги тIекъабги,
ТIадвугес къосаразе батIа гьечIеб гь абуна.

Жанисан вацIцIадав чи хъулухъазда дагьлъидал
Рикь-рикьун жамагIатал бегьуларо рукIине,
Мажгиталда имамгун конторалда бугавул
ЦохIо жал го хириял лъай гьечIел рищи такъсир.

ВитIарасдаса хIинкъи хIалихьатасул пиша,
БакI кквезе чиги вишун чIунтизе тоге росу!
ХIадусел наслабазе цIуне нужеца росу!
ХIалкIолесул ццин бахъун бихизе гурин росу

Исламияб шаригIат АлхIам гIадин лъазабе!
ХIалалаб яшав гьабун какал къабуллъулел рай!
ГIияхъаби гIигун те бегавул цIаларав те
Цолъи шулияб гьабун гIадлу цIуне росабалъ.
Назад


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.