Вацал-спортсменал
М-С. ЖАХIПАРОВ 2009 соналъул 3 июль ЦIумадисезул гьаракь2003 соналъ гIагараб ТIисси росулъ гьоркьохъеб школаги лъугIизабун МухIамад МухIамадов цIализе лъугьана ракIалъ тIаса бишараб республикаялъул педуниверситеталъул физкультураялъул факультеталде. Гьенив цIалулаго гьес байбихьана эркенаб гугариялъул ругьунлъабазде хьвадизе.
Магомедов Магомед . id:910842161145
Цо пуланаб къоялъ, кафедраялъул нухмалъулес МухIамадида абула, тIабигIаталъ дур вижиго торгIо хIалесда релъараб буго, бокьила спорталъул гьеб тайпаялде хьвадизе... МухIамад гIемер ургъичIо гьеб суалалда тIад ва хIукму гьабула торгIо хIаялъул ругьунлъабазде хьвадизе, гьедин гьабизеги гьабуна ва бихьулеб букIахъе хIасилалги квещал ккечIо. МухIамад ккола торгIо хIаялъул рахъалъ республикаялъул тIаса бищараб командаялъул член, республикаялъул даражаялда тIоритIарал турниразул чемпион, кIицIул Россиялъул ЮГалъул чемпион.
Гьаб соналъул май моцIалда Азербайжаналъул президент И.ГIалиевасул призазе Баку шагьаралда тIобитIараб халкъазда гьоркьосеб торгIо хIаялъул турнирала МухIамад гъорлъ хIалеб нилъер республикаялъул тIаса бищараб командаялъ куна кIиабилеб бакI, гьес санаил гIахьаллъи гьабула районалда тIоритIулел торгIо хIаялъул къецазулъги. МухIамад ккола Россиялъул спорталъул мастер.
Селение Тисси id:1409
КIудияв вацасул нухдаса ана гьитIинав вац Шамилги. 2005 соналъ росдал гьоркьохъеб школаги лъугIизабун цIализе лъугьана педуниверситеталъул тарихияб факультеталде. Спорталдехун бугеб цIаялъ ва гьеб бокьиялъ Шамилица тIоцебесеб курс лъугIарабго тIаса бищула физкультурнияб факультет ва гьениве лъугьуна цIализе. МухIамадго гIадин, гьевги ккола республикаялъул тIаса бищараб командаялъул член, командаялда гъорлъ гьев гIемер цеве вахъуна республикаялъул ва цIалул заведениялъул къадру цIунун.
Магомедов Шамиль . id:163914887469
Лъиего балъгояб жо гьечIо, къецазулъ вацал гъорлъ ругеб командаялъ чIел босулеблъи. Командагун цадахъ Шамилги гIемер цеве вахъуна республикаялда ва гьебги бахун къватIир тIоритIулел торгIо хIаялъул турниразда. Гьев ккола Россиялъул спорталъул матер. Вацал спортсменаз спорт цебетIезабиялъулъ лъолеб бутIаялдаса рази руго педуниверситеталъул нухмалъулел.