Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

ЦIумадаса десантник

ХIакъикъат. №126-129 (17610-17613) 23 июль 2009

Гьанжесеб заманалда Россиялъул армиялде хъулухъ гьабизе унел гIолохъабазул гьира букIуна яргьилал къуватазул гьаваялъул десанталъулал частазде ккезе. Амма ВатIанияб рагъул соназда гьеб букIана бищунго хIинкъи цIикIкIараб, ва захIматал бутIабазул цояблъун. Гьеле гьединаб часталде хъулухъ гьабизе ккана Шабанов Шарипги. Гьев ккола ЦIумада районалъул Хъварщи росулъа. Росулъ школа лъугIарабго районалъул лъай кьеялъул отделалъ гьев витIула ЦIунтIа районалъул Хетах росдал тIубачIеб гьоркьохъеб школалде учительлъун хIалтIизе.

Шабанов Шарип . Шабанов Шарип .
id:152594448872

Рагъ байбихьун хадусеб соналъ Шарип гIарзаги хъван военкоматалде уна жив рагъде витIеян. Нилъер республикаялъул цогидал гIолилалгун цадахъ гьев ккола Грузиялда бугеб парашютазулгун десанталъул хасаб батальоналде.

1942 соналъул ахиралда гьел ритIула фронталде, Новороссийск шагьаралда аскIоб букIараб рагъулаб часталде. Цо нухалда гьезул самолет щибго кьвагьи ккечIого фронталъул мухъги тун бихьизабураб бакIалде щвана ва десантниказ гъоркье кIанцIизе байбихьана. Ракьалде тIаде щолаго багъарана немцазул пулеметазулгун автоматазул кьвагьдей, гьениб гIемераб зарал ккана нилъеразе. Лъукъана красноармеец Шабановги. Гьалмагъзабаз гьев часталде щвезавула ва рагъулаб госпиталалда операция гьабула.

1943 соналъул май моцIалда гьев витIула рокъове. Гьесда цIидасан тIадкъала учителасул хIалтIи.

1944 соналда гочуна Чачаназул Ведено районалде ва 1957 соналде щвезегIан хIалтIула учительлъун, хадуврайоналъул лъай кьеялъул отделалъул инспекторлъун. Байбихьана чачанал жидерго ракьалде тIадруссине, руссине ккана магIарулалги жиде-жидер росабалъе. Шарип хIалтIана учительлъун, росдал бегавуллъун, Фрунзел цIаралда бугеб колхозалъул председательлъун.

1980 соналда гьесул хъизан гочана Комсомольское росулъе. Гьенивги гIадада чIечIого хIалтIана химзаводалда, ГЭСалда ва цогидалги бакIазда. Цогидал рагъда гIахьаллъаразулго гIадин, руго Шабанов Шарипилги орденалгун медалал ва цогидалги шапакъатал



© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.