Рагьизе бихьинал хутIунго гьечIо,
Нахъасан речIчIула сахав чиясда,
Танчиде рахъине чилъи гIечIеца
ГIарцухъ чи витIула, жалго рахчула.
ЧIвадарухъанасде нахъбуссинаан,
Берал ругелани, тIухьидул гулла.
Аллагьасги лъикIал унин абула -
Бидул кверал цIурал лъие хIажатал?!
Къоларевлъи лъайдал чIварав тIиндисев,
Маххгун чарамалъул лъикIан_дуй зани
Зонол хъахIлъиялда хъван тезе лъикIан:
РитIухълъи цIунулев цIум вукIанилан.
Бегана гIумрудул цойгиги тIамач,
Къаникь лъуна цойги бахIарчияб ракI.
Кида нуж, гIадамал, гIодой руссинел,
Гьеб жахIдагун чIвай-хъвей кидал тIагIинеб?