ТIиссал кIудияб ватIанияб рагьда

1941 соналъул 22 июналда божуда рекIги гьабун, нилъер ВатIаналде тIаде кIанцIана фашистияб Германия. КIиазаргоялдаса цIиккIун чи витIана районалъ ЗатIан цIунизе. Гьездаса анлънусгоялдасаги цIикIкIун нилъер ракьцоял руссинчIо гIагараб районалде. ГьитIинаб ТIисси росулъа ВатIан цIунизе ана 37 гIолохъанчи, гьездаса 17 чияс абадиялъего берал къанщана рагъул майданалда. Цо-цо хъизаназе кIикIиявцин камуна.

Дне гьаниб кIудияб баркала загьир гьабизе бокьун буго росдал тарих хъвалаго дие кумек гьабурал тIиссадерил харабазе, хасго Хантуев Мусае, ГIалиев ГIабдулмуслимие, НигIматулаев МухIамадие, ХIажимухIамаддибиров Расулие, МухIамадов КъурамухIамадие, школалъул директор 3. MyxIaмадовасе, библиотекаялъул нухмалъулев MyxIaмадрасул ГIабдулаевасе, Гъази ХIажиевасе, росдал администрациялъул бетIер ЯхIия Мамадибировасе, администрациялъул секретарь МухIамад АхIмаднабиевасе, жакъа нилъгун жал гьечIел мунагьал чураял Расул ИманмухIамадовасе, ПатIимат Хантуевалъе, мунагьал чураяв дир эмен ГIумарил МухIамадие. БукIине бегьула росдал тарих хъвалаго гьоркьоб хугIараб яги мекъи ккараб хIужа. Бокьила гьеб лъалел гIадамаз гьеб бицани яги лъазабуни, гьелъ квербакъила росдал тарих жеги бечед ва мухIкан гьабиялъе.