Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

Назад

ТIиссал инкъилаб ккун хадуб

1929 соналъ район гIуцIараб мехалъ байбихьана росдал магIишаталде кIвар кьезе. Районалъул росабалъ байбихьула цин кресткомал, хадур артелал ва 1936 соналда колхозал гIуцIизе. Гьел сонал рукIана, тIолабго районалъего гIадин тIиссадерие цIакъго захIматал ва щивасул хIаракалъи хIажатал. Кресткомал, колхозал киназего гуро хIажатал рукIарал. Гьенибе боцIи ва цогидабги къваригIулебщинаб жо кьолел гIадамал цIакъго дагьал рукIана. Амма захIмат хириял тIиссадерида бичIчIана колхозалъ гурони жал хьихьизе гьечIеблъи. Гьебги кьочIое босун тIиссадерица хIукму гьабуна росулъ крестком гIуцIизе ва 1936 соналъ гьез гIуцIана колхозги, гьелъие кьуна маршал Ворошиловасул цIар. Крестком ва колхоз гIуцIиялъе жигараб хIаракат бахъана ва гьезие нухмалъи гьабуна жигарав гIуцIарухъан ГIабасов Мух1амадица. 1946 соналъ, лъикIго цебе тIураб колхоз букIана ТIисси росдал.

1961 соналъ колхозалъе кьуна «Коммунизмаялде нух» абураб цIар, кIиго нухапъ колхоз данде бан букIана ТIинди «Гьудулллъи» колхозгун; 1965 соналъги, 1974 соналъги, 1974 соналдаса нахъе гьел руго тIиндадерида гьорлъ.

БатIи-батIиял соназ ТIисси росдал Ворошиловасул ва «Коммунизмаялде нух» колхозалъе нухмалъи гьабун буго гьал хадур рехсарал гIуцIарухъабаз. ТIисси росулъа ГIабасов МухIамадица 5 соналъ нухмалъи гьабуна «Ворошиловасул» цIаралда бугеб колхозалъе, ИсхIаков ГIалица, 4 сонапъ, ГIалиев Гъазияца 4 соналъ, КIудиев МухIамадица 7 соналъ, ГъазимухIамадов Дингаца 4 соналъ, МухIамадов ГIабасхIажица, 7 соналъ, МухIамадов Герейца, 3 соналъ, Халилов Абакарица, 3 сонапъ, Хантуев МухIамадица, 1 сонапъ. 1937 соналъ ТIисси росулъ рагьун буго росдал совет гьелъул тIоцевесев председательлъун вукIун вуго ГIумархIажиев МухIамад. БатIи-батIиял соназ Советалъе нухмалъи гьабун буго 19 чияс ва 3 чIужугIa-даналъ. Гьале гьезул цIарал: ТIинди росулъа ГIумархIажиев МухIамадица 4 соналъ. ТIиссиса Атутаев ГIалица 2 соналъ, Мусаев ХIажимухIамадица 2 соналъ, МухIамадов Кудияс 2 соналъ, Булачов ГьазимухIамадица, 2 сональ, МухIамадов ГIабдулатIипица 2 соналъ, ХIусенов Билалица 2 сональ, Mycaeв ГъазимухIамадица 2 соналъ, МухIамадов МухIамадица (Шубих) 4 сональ, Абакаров Халилулагьица 2 соналъ, ТIиссиахикьа ГIалиев ХIажица 7 соналъ, ХIажиев МухIамадица 5 соналъ, МухIамадова ГIайшатица 5 соналъ, Мух1амадова Хадижатица 1 соналъ, НигIматулаев МухIамадица 3 соналъ, Деньгаев МухIамадица 7 соналъ, ГIалиев ГIабдулмуслимица 4 соналъ, ГIабдулаева ПатIиматица 4 соналъ, Халилов Абакарица 6 соналъ, ХIажимухдамадов МухIамадица 7 соналъ, МухIамадов Мухтарица 6 сонапъ, Мамадибиров ЯхIияца 2003 соналдаса нахъе. ГьабсагIаталъ росдал администрациялъе бажарун нухмалъи гьабулеб буго 2003 соналъ Тиссадерица ЯхIия вищана администрациялъул бетIерлъун. Гьес жинда гьабураб божилъиги ритIухъ гьабун, жигар бахъунеб буго ТIиссадерил рукIа-рахъин, яшав лъикIлъизабиялъе.

Назад


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.