Дир духъ рокьи ккараб кьурул милъиршо
Кьеларебищ цо квер каранда лъезе.
Лъараб гIумруялъул рохел кIочон тун,
Къаларищ каранде мун вокьараб ракI.

Доб дуда бер чIварал къоялги цIехон
ЦIалеб бугин керен дол бертабазде.
КIиязулго рокьи рукьбалъ багъараб
Доб араб къоялъул дол минутазде.

Дир рекIел ахIиялъ вугин ахIулев
Гьаракь рагIулареб гохIдеги яхун.
КьечIеб талихIалъул хъвалин сариналъ
Дун дур талихI йигин кIутIбузги шурун.

ТалихIаб дир къойин абила ракIалъ
Мунгун цадахъ цолъун рукIараб заман.
Мун дир гIишкъойилан ахIула ракIалъ
РикIкIадал нухаца сверун аниги.