Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

Назад

ГIедегIараб гIумру

Доб букIараб гIумру цIехолеб буго,
ЦIехолев вуго мун рекIелъ унтигун.
Арал дол гIумрудал пикрабалъ юссун,
Буго щибаб сагIат рикIкIулеб ракIалъ.

РекIел къварилъиги гьелъул рохелги
Буго рекIелъ жаниб канлъикиниги.
Караб къисаялъул къокъаб гIунгутIи
Руго гьанже дица кагътида хъвалел.

Жакъасеб къоялде гIайиб чIваларо
ГIайиб диде буго дицаго балеб,
РекIелъе чIухIигун хьвадарал къоял
Гьанже ракI бухIанин дун божуларо.

ГIумрудал нухазда босараб ханлъи
Хивалаз цIаниги цIунун букIана,
ЦIа гIадал кунчIарал берзул чIораца
ЧIван гIодой рехана аскIов вачIиндал.

ГIайиб дудеги чIван кIалъалей гуро,
Дирго гIамалалъул бицуней йиго,
Ккараб дир гъалатIалъ буго ракI бакъван
ГIунгутIи рикIкIад тун хIехьараб гIумру.

Какил суждаялде дун хIеланиги,
ХIакъикь ккараб керен батIалъуларо.
Дур тохаб гIамалалъ карандеги къан
ГIодор тун аразухъ бухIула керен.

Мун гIадан ватилин ккана ракIалде
Каранда кверги лъун рагIи дий кьедал.
Щулияб рагIуе нугIлъи гьабулеб
Бугебин дур ракIан божана керен.

Дуца танин абун дун туриларо,
Тела дирги ракIалъ мун вукIаралъув.
Мун кьурун вуссанин дун кьвагьиларо
Кьерилал гIемерал руго сверухъе.

Дир ракIалъул кIулал жеги дихъ руго
Мун рикIкIад чIанилан мугIу тIеларо.
Дуе рухI бичилин гьабураб къотIи
ТIад малги чIун дица чIинтIизабила.

Гьанже кIочон тела дур тохаб гIамал
ХIакъ дуе букIине ккараб къисадул,
Къокъабго гьудуллъи тохаб ракIалъул
Тела кверги хьвагIун рикIкIад вукIаян.

Гьанже дир хутIарал цо дагьал санал
Сверизе гьарила рохалил сагIтаз.
Дуца бакараб цIа свине таниги
Свине теларо цIа дирго рекIелъа.

Амма дир рекIелъе цохIо мун вуго
Цогидасухъ дида хисизе кIвечIев.
ГIумру сверарагIан бераз цIехолев
ЦохIо мун вугилан ахIулей йиго.
Назад


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.