Борхалъуде яхун хьвагIула квераз
Хьулазул ахада хивалги бихьун.
Хурзабазул ахал хивалазул ракь,
КIодолъула рекIей рикIкIад анагIан.

ГIумруялъул къоял къваридал сардал,
Къокъаб сапаралде буссунеб керен.
Кодов щоларев мун щущалеб гIумру,
Щобазул тIогьисан тIерхьун унеб бакъ.

ГIодулел дир бераз валагьулев мун,
Свараб рекIел чирахъ чвахулеб магIу.
Чидар къвалакь бугеб мугIрузул ритIучI
Хъван балеб гьаб гIазу цIорон холей дун.