Дица ахIулебги бухIи бугебги
ЦохIо рохел буго дир рекIелъ жаниб,
Дица цIунулебги, цIа рекIулебги
Буго рекIелъ чухIи нужехъ урхъараб.

Нуж гьитIин рукIиндал рекIелъ букIана,
КIудиял гIелилан, санал аралго.
Саназул къояца сагIталги роржун
Роржун ана хIанчIи рахъ-рахъалдехун.

Къаси рокъой юссун дун сверулаан,
Жиб-жиб букIнилъ яккун нуж ралагьизе.
Ратуларо лъимал рокъор рукIарал
Роржун ана хIанчIи бусен рехун тун.

Сардалги роржула къоялги уна
Руссуларо лъимал жидер бусаде.
МоцIалги сверана саналги ана
КIочон тарай эбел хутIана рикIкIад.