Аманат дуде гьабун
Жакъа кIалъалей йиго,
Лъади ячун рукъалде,
Мун вуссине къасд ккедал.

ГIумруялъул къварилъи,
Дуде бицунги кIалъан
ГIакълу гьабун эбелалъ,
Дуда абулеб буго.

Лъадул адабги цIунун,
ГIакълу кьун гьей еэде,
Ццидахун гьелде ахIдон,
Лъади хIинкъизаюге.

ХIеренго рагIи бицун
Берцинаб калам гьабе,
Чилъи дургоги цIунун,
Абе гьелда йокьулин.

Кьолбол къиматги гьабун,
ГIамал берцинго хьваде,
Цоцазул хIурмат гьабун
РекIел хIеренлъи бикье.

ХIалтIи гIемераб малъун
Лъадуй гIакъуба кьоге,
Яшавалъул захIмалъи
КIиязго цадахъ борхе.

Дурго гIумру къалъизе
Гьей талихIайлъун гьае.
Хъизаналъул щулалъи
Лъай цохIо духъго букIин.