Воре гIолил ясал сабру рекIелъ те,
Унеб гIумруялъул къиматги борхун.
Берал чалухазде гьабуге божи,
Къадруялда цIуне нужерго намус.

АскIор ругелазул хIурматги гьабун,
ЦIар хисизе тоге улбуца кьураб.
Чорхол намус бичун чи валагьуге,
Чидар боцIиялда ракI бахиллъуге.

Мун ургъе цее ккун пикрабалъ босун,
Хадур ругел къояз хIакъикь ккелалде,
Ккараб мунагьалда тIаса лъугьаян
Гьаре Аллагьасда, тавбуги гьабун.