Жакъа къваридаб ракI рагьун кIалъазе,
Дир гьунар гIоларо гьарун щваниги.
Щакал рагIабазда дун кIалъаларо,
РекIелъ хIиллаги ккун дун гьедиларо.

Дица рухIги бичун чин балагьичIо
Чидар боцIиялде ракI бахиллъичIо.
Аллагьасул хIукму рекIелъги цIунун
ЯхI хисизе течIо чиясда гьоркьоб.

Дун цеехун инчIо чIухIунги хьвадун
ГIагаралги кIочон дунял гьабичIо.
Дий кьурал къоязул къиматги борхун
АскIор ругелазул цIунана адаб.

Щвараб къварилъиги къадругун борхун
Цогидазде дица чIвачIо гIайибал.
Гьал арал нухазул хивалалъ юуссун
БухIулеб буго ракI рикIкIад ругезухъ.