Доб дир инсул росу рикIкIад хутIараб,
Хивалаз ячуна арал къоязде.
Цебесеб доб заман дагьабго лъалеб
Жакъа ракIалъ ахIун буго цIехолеб.

ГIолохъанго тана бабаца дунял,
Дир рекIелъе унти рещтIана даим.
ГьитIинго хутIарай яцалда гурхIун
Жакъаги къваридго балагьула дун.

Дир берал гIодарал магIил гIораца
Ячун щайдан инчIей бабада аскIой.
Къваридал къоязул къисмат дий тедал
Рохалил дир сагIтал кирдай хутIарал.

БохичIо дир керен кий юссаниги,
СверичIо дир гIумру ургъалилъ гуреб,
БихьичIеб къварилъи, хIехьечIеб ургъел,
Щибго хутIун гьечIо дир гIумруялда.