Хъвалеб буго жакъа рекIелъ чIухIигун,
Дирго росуцоял ракIалдеги щун,
МугIруз сверун ккураб дир ТIиндиб росу
МунгIан берцинаб бакI дида батичIо.

ХъахIилал накIкIаца тIавап гьабулеб
МугIрул тIогьиб буго дир ТIиндиб тIалъи.
Дир росдал гIадамал гIелму цIикIкIарал
Нужор бергьенлъабаз рохизарула.

Росу бакьулъ бугеб дир инсул мина,
Сапаралъ даим дун духъе ячуна.
ЦIумал гIадал васал берцинал ясал,
Нужер чIаголъиялъ ккун буго росу.