Рорхатал мугIрузул гъварилъиялда
БегIераб хеч гIадаб кьуруялда тIад,
Жанибе нух гьечIеб сверухълъи къараб
Бан буго умумуз гьаб ТIинди росу.

Буго гьеб гIасрабаз кьуру киниги
Замана аниги тарих хисичIеб.
Лъиего къуркьичIеб хIинкъи къей гьечIеб
Щивав ТIиндисесул рекIелъ чIухIилъун.

Нижей мун бокьула нижер ТIиндистан,
ТIабигIат берцинаб, гьава бацIцIадаб.
Гьудуллъи щулиял, гьобол хириял,
Рагьарал ракIазул гIадамал ругеб.

Дур тарихалда тIад чIегIер тIанкI лъезе
ГIун бачIунеб гIелалъ биччазе гьечIо.
Щварал бергьенлъабаз, гьезул гьунараз
Борхатго цIунила дур цIар гIасрабаз.