Чамалиго соналъ сихI къотIунги чIун
Къаси гьале нилъей роххел бикьулев,
Воххуларев чи щив, вокьуларев щив –
Вокьула, вокьула, ГIиса, мун лъийго.

Лъала магIарулаз мун кIодо гьави,
КIудияб рокьигун гьел духъ гIенекки,
ГIаданлъи цIцIикIкIарав, намус бацIадав,
Мун, ЦIумадисезул даимаб кунчIи.

ЦIумал макьидаса рорчIилалдего
Мун какикьжоялда какиде вуссун,
Цо–цо бахьикъосаз хьибил хисигун
Аллагьасе сужда гьабулезулъ мун.

Мун гIадал гьареги эбелалъ васал:
ВатIан бичуларел, чилъи холарел
БоцIухъ эбелгун –яц, дин хисуларел,
Роххел гIадамазе бикьизе лъалел.

КунчIе мун кидаго дуниялалда
Дудаса сверухълъи боххун хутIизе.
Хирияб дур ВатIан мерхьунел ккани, –
Нахъе къай гьечIого цевехун ине.