Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

Назад
Дица баниялъул кечI
КвенчIелда лъун цIалидал,
ЦIумада гIурухъ мина
ГIайиб гьабун кIалъана.

Гьелда бугеб хIалалъул
ХIакъикъат бицарабго,
ХIалуцараб гьаракьалъ
Гьал рагIаби абуна:

ЦIумада стройка

Радал хъахIлъи балелъул,
Канлъи чIвалеб гьормаца
Подвалалда ругезул
Киндай хIисаб гьабичIеб?

Жиндани балагьани
Бакъ-моцIниги бихьулин,
Къоринир тIамун ругел
РакIалде щайдай щвечIел?

Балагье гьал МугIрузде,
Гьоркьоре нижги тIамун,
БацI ккведал гIарал гIадин,
Данде ракIарун ругел.

Рихьуларищ дол щобал,
Щибаб къоялъ ратула,
Берталъе лъимал гIадин,
ТIаде къулун нижеде.
БитIахъе зоб гурони,
Сверун бакI бихьуларел
Борхьил кIалдир ккаразда
Ккела бищун гурхIизе.

Цараца абун буго:
«Аразул лъалкIгурони,
РачIаразул гьечIилан»,
Гьале долъ абулеб бакI.

НахъруссутIа бихьани,
Баниялда гаргаде,
Гирун унеб бетIералъ
Абураб рагIи бице.

БихьунгутIи гурони,
ХIехьонгутIи гьечIелъул,
Гьелда щукруги гьабун,
Парахат чIаян абе.

Беццаб гьорчо гурони,
Гьоболлъухъ рештIунареб
Гьагаб кIкIалахъ таразул
Тарих цIалеян абе.

Гьалагаб ихх гурони,
Харбие чи щолареб
Чабхил магазиналда
Ругезул бицен гьабе.

* * *
ЦIумадасан кьабун ниж,
КьолочIел чуял рекIун,
Чанил щинкIил баларел
Щобал къотIун рахана.

Борхатаб мугIрул тIогьиб
МагIида бараб гIадаб
Речагьанихъ абураб
Росолъе щун рештIана.
Москваялда ратарал
Таманал «гIунгутIаби»
ТIуразе гьарураб бакI
Гьале, гьаниб батана.
Гьенисан кьалалги лъун,
Кьариял гIулбиги ккун,
Лъугьана гьарчил нухалъ
Гьаквариб шагьаралде.

Кулабазда биххараб,
БоцIуда хадуб чIараб
Халкъ данде бакIаризе
КIвечIого, нахъ руссана.

Предсоветги гьезул
Сундего регIуларев,
Цодагьаб гьаваялде
ГьетIарав чи ватана.

Цо ячун, цояй йиччан,
Руччабазул дармида
Далаголав реххарав
Хассав член вугоан.

ЖамагIаталда гьоркьоб
Кьалбал ригъун ругоан,
Кьижун букIараб питна
Гьанже борчIун бугоан.

Пуланай гIаданалда
КечI лъалилан абураб
РагIуда тIасан рагъун,
Гъур-гъурун ран ругоан.

ГъоркьчIел гьабун руччаби,
Баччун кодоб ярагъгун,
Рагъул постазда ругел
Аскаразда релълъуна.

Нилъер чIандалги долги
Диналъул вацаллъидал,
МаслихIат гьабулелъул,
Гьумер бухIун кIалъала.
Назад


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.