![]() |
![]() |
![]() |
|||||||||
![]() | |||||||||||
![]() | |||||||||||
![]() | |||||||||||
![]() |
Независимое информационное агентство «ЦУМАДА.ру» |
![]() ![]() | |||||||||
Москваялдаса-магIарухъеГьанже, Анжиялде щун,
Гьоркьоб мех бахъилалде Нухда вуго регIулев МагIарул районазде. Москваялъул хабарал Халкъалъе цIалейилан, ЦIумаде гIунтIизегIан ТIад буго дида къалеб. Къаси сентябралъул Анкьабилеб сордоялъ Цадахъ кьурав гьалмагъгун Рахана поездалде. РекIине чу щвечIого, Шура къоялги рахъун, Къаде-нахъе рахарал Ехол линейкаялде. Гъоркьа Гъараниб рештIун, Росо данде бакIарун, Москваялъул бициндал, Цоцахъ ралагьун чIана. Берцинаб адабият, Элдасан бугеб мурад Баян гьабураб мехалъ ГьакIкIан хутIун рукIана. Гьениб сордоги бахъун, Нахъияб къоялъ рачIун, ЧIиркъатIа ишги тIубан, Инхосан Кьохъе ана. БичIчIи гьечIел гIадамал ГIемер ратичIониги, Гьедин бицунеб хабар Халат гьабизе ккана. Гьанже эниса рахъун Ине кколел Болъихъе. Элдаса хIинкъун дица Къаси сордо рогьана. Эз кочIохъан тараб куц Кицабазулъги рагIун, Каламго гьабичIо ЧIезе хиял букIана. Маданияб рахъалде ДандечIвай лъикI гьабулеб Лъай бугеб уммат батун, Урхъизе ккана гьезда. Нахъияб агьлуялда Ургьибего унареб Адабияталъеги ЛъикIаб къимат кьуна гьез. Гьанже унел ругел ниж Агъвалисан ЦIумаде, ЦIакъго бецIаб халкъилан Хабарги бугеб рагIун ЦIализе кколеб эзий Адабияталъул дарс, Ургьибе нух къотIараб Къавм батани щибулеб? Гьединаб ургъалида Агъвалив щварав дида Шагьаралъул махI чIвараб ЧIагояб халкъ батана. Мискинзабазул класс Кутакалда цIунарал Цоцада гъорлъ гьуинал Гьалмагъзаби ратана. Райактивалъ кIварги кьун, КIиябго районалда Данде бакIарун халкъалъ КIудаб вечер гьабуна. Гьунар бугел киналго Васал-ясал данделъун, Сардил агъ бекизегIан, Ихтилат-кеп гьабуна. Ахиралда халкъалъул Поэт кIодогьавизе, Гьура ахIун киназго Кодо-кодов восана. Кидаго кIочонарел КIудиял падаркаби Гьалмагълъи цIуниялъе ЦIазе тIаде рахъана. |
|
||||||||||
|