Дун инсул росулъ гьайич1о, г1еч1о
Амма щай лъаларо рак1 гьениб ц1ала
Дир лъимерлъи араб шагьаралъул къват1
Мун бичун босила муг1рузул сухъмахъ

Дир инсул росулъе кваранаб хьолбохъ
Чвахулеб гьалдолеб, гьит1инаб лъарахъ
Росдал лъималазул лъимерлъи анна
Дун гъорлъе йик1инч1о, рак1 бух1ун буго
Годек1аниб бугеб къулг1адухъ къач1ан
Росдал ясал лъадар ц1езе унелъул
Дида г1ел башадал г1олел г1ужалда
Дун гъорлъе йик1инч1о, рак1 бух1ун буго

Кодор хъарисел кун, гъежда кварги бан
Магъилъ реццаризе ясал унелъул
Дир росдае кьураб зах1мат къо гьеч1о,
Дида т1аса лъугьа дир инсул росу.