Цо мунгун рогьараб сордо бачIани,
Сардал рогьинаан бер къанщичIого.
ХвечIого горбода къвал базе щвани,
КъватIив вахъинчIого тIамила къоял.

Дир рокьи ккеялда гIайиб щай чIвалеб,
Щущан унеб бугин нусабго лага.
ГIищкъу бергьунилан бадибчIвай кинаб,
Щоларейги йокьун кьалда вугин дун.

Гьанже дида гIадаб къо тIаде щварав,
Аллагьасул рокъов инсан вугодай?
Къадги дие гIадин дунял бецIлъарав,
ЛахIдуялда жанив инсан вугодай?

Халкъалдаги сурун, саяхъги хьвадун,
Санал унел ругин духъги валагьун.
Сардил макьу гьечIеб кьалда дунги тун,
Мун лъиде чучарай, чалухай гьудул?