Дурги дирги рокьи чанил гIадинаб,
КIиязего нилъей балагьлъун чIараб.
КIиязулго балай гьури гIадинаб,
Чорхол нилъер лугби ратIа гьарулеб.

Дице духъе хъварал рокьул кучIдузул,
Папка цIун бугоан цIалилел лъани.
Хъван ругел шигIрабаз тумба цIун буго,
Чиядаса балъго цIунизе кIвани.

ГIумруялъ хъваниги къадар хъвалареб,
Рокьул кучIдуз бугин керен бухIулеб.
Кагътиде херхарал гьал дир жугьабаз,
Жаниб кереналда ккун буго унти.

Рокьияли, гьудул, лъилгоги кколеб,
Дида лъалеб гьечIо гьаб рокьул къисмат.
Балайни, хирадай, лъилго бергьунеб,
Бергьунги чIолареб чIамучIлъи кинаб?

Мун гIадан ятани гIенекке цо дихъ,
Пашманлъи хIакълъанин мун сабаблъун дий.
ТIубарай ятани юсса мун диде,
Дунял гьабичIого гьаглъулев вугев.

ГIемер квараб мехалъ гьоцIо кьогIлъула,
КьогIал харбалги тун кьабун квер босе.
Хабар гIемерлъани гIадлу биххулин,
Ургъел нахъ бикьилин, бай горбода къвал.