Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

Назад

Хуштадерил кьодул къваридаб къисмат

Шамат къоялъ радалго
Базаралде унаго
КIудияб зигардигун
ГIодулеб бугоан кьо.
Гьелъул зигара рагIун
Пикру гьелде буссана,
ГIедег!ун вугониги
Хал- шал гьабизе ккана.
Кьода ниж лъалхъаралго
КIутI- кIутIула гIансагун,
Цо кIудада жувана
Нижергун накъиталде:
Нолъ гьоболлъухъги вукIун
Рокъове вачIунев дун,
Кьодул картIинив вортун
Тарун гIодове ккана.
Гьелъул хIасил гьале бох,
Гьале бихъараб тIажу
Дий ккараб зарар гьанже
Бице лъица бецIулеб?
Зарар бецIулел чагIи
Цогидал рукIин бичIчIун
Ццидалъ, сородулаго
КIудада. нахъе ана.
Гьев нахъе ун хадуса
Кьода гьикъа- бакъана,
ГIемер зигардичIого
БуцIцIун чIаян гьарана.
Гьеб дихъе балагьана
Цидахарал 6ералгун,
Дагьаб лъалхъиги гьабун:
Кьоялъ жаваб гьабуна:
—ТIад ругел хъарщал турун
Къойил рортулел руго,
Рихьдае картIал рахчун
Дир тIалаб-агъаз гьечIо.
Нолъ кIудияб КАМАЗалъ
Малакье мерхьана дун,
КIудиял ругъналги лъун
Борлъ -борлъана лага- черх,
КАМАЗалъ лъурал ругънал
Судулагоги рукIун,
БачIун цо тракторалъ
Ругънада тIад цIам щвана.
Сордоялъ зигардана,
Амма дий кумек щвечIо,
Дир зигарди рагIичIо
Жакъа нужеда гуреб.
Районалъул гIадамал
ГIемер тIаса хьвадараб,
Баголал -чIамалазул
Бухьен щула гьабураб,
Халкъалъе хъулухъалда
ГIасруялъго хIалтIараб,
Дир чорхолъ ккараб сакъат
Сах гьабулев чи гьечIо.
ТIаса унев щибав чи
Дир черхалъухъ балагьун,
Берал речIчIизаризе
Дагьалъ лъалхъулев вуго,
Амма гьеб лъалхъиялъул
Дие пайда щоларо,
Гьелъул гIаксалде диде
Хьандезе байбихьула:
— Гьаб кьодул куц балагье
Гьанир ругел картIал щиб?
Къаси гьаниса унел
ГIурулъе рортулариш?
—Нуж диде хьандечIого
Нухмалъулезде хьандей,
Дун буго гьез малъухъе
Хьвадулеб гьитIинаб лагъ.
Ахираб заманалда
Гьез дир тIалаб гьабичIо,
Гьелъул хIасилалда дун
Къойил гIодулеб буго,
Халкъадехун дир гьари
Дие кумек гьабеян.
Яги хважаин хисе
Яги дун хвасар гьабе.
Гьаб хIалалда дун тани
Дир берал къанщун ина,
Багвалалгун чIамалал
ГIор бахунел хутIила.
Заманалъул мискинлъи
Гумул щвезе гьечIеб рес.
КвачI кьабун гIор бахулев
Чан чидай гIоралъ ина?
Назад


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.