Черкеск шагьаралъул гIатIидаб ургуялда,
ВукIинчIо дуда щолев дур цIайидул дандияв.
Улкаялъул къуватал тIолго гугарухъаби,
Дур гьунар- махщел бихьун сородулел рукIана.

Къуватав Гоцалонгун къей лъаларев Сайтиев
Катикьа гIункIкIал гIадин духъа хIинкъун рортана,
Россиялъул месед щун мун чемпион вахъиндал
«Нухлулаб тIамач» щвана дуе Америкалде.

Гьоркьоб кIудияб ралъад рикIкIадаб Америка
ТалихIаблъун батана исана дуе, Сажид,
Дур гIагарал ракьцоял гьайбатал цIумадисел
ЦIакъ рахIат хун рукIана хабар кидал бачIинеб.

Дунялалда машгьурал къуватал дандиязул
Ургуялда мугъги цун дуца рохизаруна,
Нижер къвекIаб мугIрул цIум, цIакъав лебалав инсан
Ниж божарал рукIана дуй бергьенлъи щвеялда.

Кубаялъул Ромеро, Сандерсон-Америка,
Гьалгъан хутIун рагIула дур тирилъи бихьидал,
ТIолгодуниялалъул гугари бокьулеца,
РахъунчIун хъатчIван буго дуе гимн бичарабго.

Горбода меседги бан болъода мун вахиндал
Циндаго цIва гвангъана гIагараб дур ЦIумада,
Гьеб цIваялъул гвангьиялъ сордо къалъизабуна,
Гьеб цIваялъул кунчIиялъканлъукъазе нур кьуна.

Дур гьунаралъе гIоло, дур къвакIиялъе гIоло
Борхулеб бугин бокал, тунке дуцаги нижгун,
ГIагараб дур ракьалде мун щвеялъухъ балагьун
Зурмихъабиги ругин къолохъабигун цадахъ.


Гор свери кIудаб буго рохарал гIемер руго,
Гали хех гьабе гьанже гьитIинаб ВатIаналде.
РитIизе гьаре куркьбал хехго босе борхалъи,
ЦIум ЦIумаде щвеялъухъ балагьун ругин тIолго.

Цойги канчIаб нижер цIва -цIар арав цIумадисев,
Баркула дуда месед- Дунялалъул чемпион,
Гьанже нижер дуй гьари гьеб форма хисугеян,
Олимпиялъул месед дур горбода щвезегIан.