Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

Назад

Гьудуласул ургъел

Къимат–къадро цIикIун «ученый» вугин,
Божуларо гьанже нижер хIалтIуда.
Гьаваялда ворхун, цIвабзазда гIунтIун,
Щоларо кодове керен бухIулев.

«Нужор цIахьдида дун чIоларин абун,
Чорхолъе цIа рекIун,цIвакун бералгун,
Чалухал лугбузул гьуинлъги щун,
Чанхъелев вихьула сордо къо рехун.

Рокьул чIораз лъукъун лъавудаса ун.
Анищаз,хиялаз гьинал ракI бухIун,
Тату хун,бакI тIагIун гIодовеги ккун,
Лъаларев лъугьанин цевеялдаса.

Курмул берцинайги дир Джакондаян,
ЦIар арал ясалги дир сагълъийлан,
Хиянатаб свери сапарин беццун?
Балеб гIумру буго чIолорхъо биччан.

Гьудул гьалмагълъиги пашманлъун руго
РекIел сахлъиги хун сабаб цIехолел.
ЦIумазул тIогьиса тIад магIарулав,
ГIодов вортунилан борхалъудасан.

ГIишкъул хIоринив вортунев вугин,
Риччаге гьесухъе лъарагI тIавусал.
ТIагIун унев вуго хирияв гьудул,
Холев вуго гьанже беразда цеве.

Нижги махул гурин городской гьудул,
ГIодой вусса гьанже те гьел куклаби.
Щай дуца хисулеб бацIцIадаб рокьи,
Батырайил къотIноб къулулеб гIишкъу.

ГIарцул горо гIадав чIурканав гьудул.
КIочонел щай дуда рорхатал мугIрул.
Щва дуда ракIалда дурго дуниял,
Мун куцараб росо, мугIрузул ватIан.

ЦIар арал бахIарзал дагъистан ккурал,
Кавказ Россияги машур гьарурал,
Буртабазул вацал, рорхатал цIваби,
ЦIуне лъикIав инсан зинаялдаса.
Назад


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.