Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

Назад

Гьудул хведал

Огь, хIикматаб дунял, балъгояб къадар,
Къудратав Аллагьас хIадурун бугеб.
БахIаралгун херал хал гьабичIого,
Хвалил карачелалъ рачунел руго.
Унго щванищ ирга дир гьудуласде,
БитIун завалалда зодиб рухI ине.
ГIурдада тIегь гIадаб бахIараб гIумру,
Бихьизейищ кьураб Аллагьас дуе.
ЦIияб сон баркизе ниятги гьабун,
Лъималгун-лъадуе сайигъаталгун,
ЛъикI букIаян абун гIатIиракьги тун,
ГIагараб росулъе сапар бухьана.
Кидадай щвелаян балагьун лъади,
ЛъикIаб квенги гьабун хIадурун йигей.
Инсуде гIищкъугун гIисинал лъимал,
Дада вачIиналъухъ балагьун чIарал.
Гьале тIаде щвана пашманаб хабар,
Ахир гьечIеб сапар бухьанин абун.
Кьурарал михъазул лебалав инсан,
Восун унев вуго молодаги лъун.
Дур хириял лъимал, йокьулей лъади
Лъихъ балагьун чIелел ракьулъ мунги лъун?
ЧIалгIинарищ, гьудул, гьалмагълъи гьечIеб,
ЧIегIерлахIдуялъув цохIо вукIине?
Росдал рагIалалда кIитIалаб мина,
Кидаго хIадураб гьалбадерие,
Гьале сверун буго магIирукъалде.
Мина сверун бугеб доб берцинаб ах,
ТIокIаб бихьиларо дир гьудуласда.
Рагьда цебе бугеб УАЗ машина,
ТIокIалъ рекIинаро, МухIамад, дуца.
Дол цере ахIулел хIасратал кучIдул,
Пандрида рачунел панаял бакънал,
Дийги хIажат гьечIо гьанже рагIизе.
РекIелъ ругъун буго жиб сахлъулареб,
Дуе нух битIаги, хирияв гьудул.
Хехаб къадар щванин Бичасул тIаде,
Аллагь разилъаги дур гIамалалда,
Алжан насиблъаги дур наслуялъе.
Сабру кьеги дуе, хIалимай лъади,
ТалихI кьун рохаги гIазизал лъимал.
Ургъалида хадуб рохел бачIунин,
Рохел даимлъаги, гIагарлъи, нужей.
Назад


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.