ВагIалайкум салам, лъикI щварав, МухIу!
Жакъа рохел буго магIарулазул.
ГIемералъ хутIидал харбида рагIдукь,
Амма кватIун ккана, кинабго ана…
Мискин-пакъиразе бакъул нур гьечIеб
ЧIобогояб гьабихъ рещтIана гьобол.
Гьанже нилъей щвезе щибниги гьечIо,
ЛъикIаб рагIи абун нухде регIиги,
ГIезе буго нилъей магIарулазе.
Гьанже гIагарлъиги гIемерлъила дур,
Гьудул-гьалмагъзаби дагь рукIинаро,
ХIилла-рекIкI ургъулел камизе гьечIо,
МухIу, цIодор вукIа, гIакъилав инсан.
ГIарац бихьун дуца намус бичичIо,
БакIаре абе гьеб хъантIарал бацIаз.
Цадахъ босун арав щивниги гьечIин,
Кьеги дуе талихI, халатаб гIумру,
ГIадлу щула гьабун, ритIухълъи цIунун.
Миллатазда гьоркьоб кьал бикьичIого,
Цебехун бачине мискинаб улка.