Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

Назад

Дир гьаб дунялалда гьанже ракI гьечIо

Дир гьаб дунялалда гьанже ракI гьечIо,
РакI гъураб заманалъ тезе букIиндал.
Дунялалъул боцIи дий хIажат гьечIо,
Абадияб рокъоб гIазаблъун чIезе.

Чадир киндай бачIеб жанир рещтIине,
ГIадан-чи бахилаб хъала бачIого?
Щайдай доб замана гIадада тараб,
ГIибадат гьабизе ресги букIаго?

Дир гIанчIаб ракIалда гIазу рещтIараб,
Доб хинаб роол къо кин кIочон толеб?
Дир гьинал ракIалде гьали рехараб,
Доб июлалъул бакъ кинан бахчилеб?

Дие бакълъун чIарал чIегIерал берал,
ЧIегIер къанабазукь лъун тана гурищ.
Дий хинлъи бикьулеб багIарбакъул чIор,
ЧIарбида туризе кинандай тела.

Рукъалда рекъараб якъутил гамачI,
Бер ккун батичIони дур хъизаналда.
Росуго бахилаб диналъул хIуби,
КIалухъдай росарал росуцояца.

ГIибадат цIикIкIараб дир мугIрул гIанса,
ГIарас майданалда данделъиладай?
Какгун дин камилаб хIажарул асвад,
Дий захIматаб къоялъ къаникь чIваладай?

Мажгиталъул бетIер, какил цевехъан,
Как лъица ахIилеб тIиссидерие?
Мун дир хъизаналъе камун хутIичIо,
Мун камуна тIолго жамагIаталъе.

Дунял тун мун анин ракIалъ толаро,
РикIкIад сапаралда вугилан йиго.
ЧIарбида веганин дун божуларо,
Боржунеб хIанчIиде сверун ватила.
Назад


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.