ЦIумада районалдаса тIоцевесев медицинаялъул доктор, профессор ГIабдулаев ГIалихIажияс нухмалъи гьабулеб буго Дагъистаналъул медакадемиялъул кардиологиялъул ва хъизаналъулаб медицинаялъул факультеталъе. Гьев ккола 160 гIелмияб хIалтIул ва цIехрехазул авторги, ДРялъул мустахIикъав тохтурги, Дагьистаналъул кардиологазул обществоялъул председательги.

Гъоркьгьаквари росдал школалда цIалулеб мехалдаго аниш. букIана ГIалихIажил [тохтурлъун вахъине. Гьеб анищ ГIумруялде бахъинабизелъун IIIализе лъугьана Дагьмединституталде, гьелдаса хадуб лъугIизабуна Москваялъул кIиабилеб мединституталда цебе бугеб аспирантура. Дагьмедакадемиялъул студентазе дарсал кьей гуребги, гьев .хIалтIулев вуго МахIачхъалаялъул кIиабилеб больницаялдаги;

Абизе ккола унтаралги цIакъ рази рукIунин ГIалихIажидаса. Гьелъие нугIлъи гьабулеб цо мисалги рехсезин. "ГIемерал соназ кIвекIана дун рекIел унтуца, ян хъвалеб буго Унсоколо районалъул ЦI тIанихъ росулъа ГIабдурашид МухIамадовас. ГIабдулаевас дир гIадаб унтиги сах гьабулин рагIидал, вилъана гьесухъе ва расги рекIекълъичIо. Гьанже дун сахсаламат вуго. РакIракIалъулаб баркала дуе, ГIалихIажи".

Цебе букIинчIеб факультет буго хъизаналъулал тохтурзаби хIадур гьарулеб. Гьеб кафед раялъул заведующийги ГIабдулаев кколелъул ва гьелда тIасан хабар гьабидал, ГIалицIа жица гьадин бицана. Нижеца гьеб факультеталда хIадур гьарула хъизаназе тохтурзаби. Гьенир цIализеги ккола, хIалтIул хIалбихьи бугел микьго моцIалъ, гьечIел кIиго соналъ.

ЦIалун лъугIидал кьола хIалтIизе ихтияр бугеб сертификатги. Нагагь хъизаналъул тохтурасухъа сах гьабун бажарулареб, масала хирург гьорлъе жувазе кколеб гIадаб унти бугони, гьес унтарав вачине ккола хирургасухъе ва сахлъизегIан хадуб бербалагьиги гьабизе ккола. Нилъее гьединаб къагIида цIияб букIаниги, цогидал бакIазда гьеб цебего хIалтIизабулеб буго.

Гьеб цIияб къагIида цогидал бакIазда кин хIалтIизабулеб бугебали лъазелъунги, махщел камил гьабизелъунги ГIалихIажи щвана Латвиялде, Норвегиядде, кватIичIого ине вуго Америкаялдеги.