Гьанжеги щай гьудул дида данд чIварав?
ЧIегIерал бераца ишан гьабулеб?
Жакъаги щайзе мун дида кIалъарав?
КIалъаларин тIокIав барщун вукIарав?

Хасало цIад бани хер цIилъуларо,
ЦIияб рокьиялда дун божуларо.
ГIолохъанаб гIумру чIобогоги ун,
ЧIунтараб дур рокьи дий бакьан гуро.

Рачун риччан лъудби ругьунав дуда,
Дица къвал балилан хиял гьабуге,
Дир ракIалъул кIулал гIодорги рортун,
Риланин церего гIайиб гьабуге.