Дие бокьун буго жакъа ракьалда,
ХIасратав мугIалим, дур къо баркизе.
Дур хIалимаб кIалъай, берцинаб гьими,
Лъимадул каранда цIунун букIине.

Кинавго чиясул букIуна рекIелъ,
Пашманлъигун рохел ва аваданлъи.
Даим рохелалъул каламгун вугев,
МугIалим кидаго кIочене гьечIо.

ТIоцебе дарсида «Эбел»-ан хъварав,
МугIалим кидаго кIочене гьечIо.
Дур ритIухъаб рагIул магIна босараз,
ХIурмат гьабила дур киве щваниги.

Кинаб къисматалде данде кканиги,
МугIалимасул ракI гьалула жаниб.
Гьудулги тушманги ватIа вахъизе,
Куцала хIеренаб кIалъайги гьабун.

Унеб заманалъул хал гьабичIого,
МугIалим кидаго вачIуна цеве.
ГIелмабазул нухал тIаса рищулел,
Дуца кьурал дарсал кида кIоченел!