Мун чIвалилан абун божун рукIинчIо,
Ургъун бачIараб куц духъе гьеб гIажал.
Мун къуркьилин абун щивха божилев,
РакI щайдай гурхIичIеб хIалкIояв Аллагь?

Росдал жамагIаталъ къулгьу цIалидал
Хабалъан ваккилин пикру букIана.
Духъе малайк вачIун сурав босидал,
Алжан дуй батилин божулел ругин.

Гьаб Дагъистаналъул вакиллъун тарав,
Божизе захIматаб хвел кин бачIараб?
Лъимал бесдал гьарун къокъанин дове,
Мун камун вугеблъи лъалеб батила.

Мармар гьецIоялъул чIегIер зонохъе,
ЧIаго вугин ккола жеги ракIалда.
Гьаб мажлисалде ниж ракIарун ругин,
ТIаде вахъун вачIа нижеда аскIов.