Дир гьитIинаб лъимер, бичIчIи гьечIев вас,
Щай мун вачIунарев гьесда бер чIвазе?
Хвалил макьидаса ворчIа мун гьанже,
ЧIегIер барай лъади дурго йихьизе.

Дур ирс босейилан вас тун вугелъул,
Гьесда вихьизе мун вахъуневани.
Сурат цебеги лъун хал дур гьабидал,
РагIад дурин толин гьал гIадамаца.

Гьалагаб АваргIор ццидахун индал
ГIедегIанин эмен духъе гьоболлъухъ.
Дур пикрабазул тIел ботIролъ жемарав,
ГIагарав инсуца жеманин мусру.

ХIажат гурев чи дун мугIалимилан,
Гурищ гаргадарав, ХIажимухIамад?
РекIелъ иблис гьечIев гIадатияв вас,
РакI хъубал чагIаца чIвана гурищ мун.