Роржен хIажалъун буго,
Бадиб магIу хулулеб.
Борхалъи бокьун буго,
Каранзулъ ракI тIуркIулеб.

Роржен хIажалъун буго,
МугIрузда цIудул гIадаб,
Ракьалдасаги тIечIеб,
Зодобеги гIунтIараб.

Гьунар хIажалъун буго,
ЛъикIаб рагIи абизе,
Хирияб дир халкъалъе
Къиматаблъун букIине.

Гьеб буго лъимадулаб
Макьулъун бугеб анищ,
ГьабсагIат буго рокьи
Йокьулелде, ракьалде.