Кьурабалъ бахчараб гьитIинаб росу,
ТIогьол квацIиялда релълъун бихьула.
Берцинал ясалги, лебалал вассал,
Гьигьалъ гIурухъ рижун рагIула, гьудул.

Дунялалдаго тIад жиндир цIар арав,
Чемпионги гьенив гурищ вахъарав.
Гьединавлъун ккола нилъер ракьцояв,
ХалилахIмадил вас Сажид Сажидов.

Асалам гIалайкум, нижер чемпион,
ЦIумада ракьалда вижарав инсан.
Ниж чIухIарал руго, гIагарав гьудул,
Мун гIадав бахIарчи вахъиналдаса.

Венгриялдеги ун гугариялъе,
ТIадегIанаб къимат босана дуца.
Чемпион Европы вахъарав гьудул,
ЦIикIкIаги дуе гьел шапакъатал, вац.

Мун гIадав гIолилав гьавурай эбел,
ПатIиматий кьеги халатал сонал.
Васалги ясалги тIуразаризе,
Гьелъие махх гIадаб чорхое сахлъи.

Васасе гьединаб къадру щвезелъун,
ХIаракат бахъана гьесул инсуца.
ХалилахIмадие нижер рахъалъан,
КIудияб баркала загьир гьабула.

Мун гугариялъе ругьун гьавурав,
Релъедаги къадги мунгун хIалтIарав.
Гьеб гугари дуе бокьизабурав,
ТIалхIат ГIабдулбасиров хутIаги чIаго!

Агъвали школалъул тIолго коллектив,
Рохалил хабаралъ роржунел руго.
Мун – нижер цIалдохъан, нижер гIолилав,
Дудаса чIухIула учительзаби.

Нижеда кидаго кIочене гьечIо,
Чемпион Европы вахъараб заман.
Эркенаб гугари гьабун бергьиндал,
Дуе доба кьураб борхатаб къимат.

Нилъер районалъул тIолабго халкъалъ,
Меседил къалмица хъвала гьеб дур цIар.
Сажид, цевехун а, нахъ вуссинчIого,
Мун – нижер чемпион ва нижер чIухIи.

Дунялалъул рокъоб талихIги кьеги,
ХIалтIуца хъиизаналъ вохизавеги.
Район кквезе мунги, мун кквезе нижги,
Цоцадаса рохун цадахъ хутIаги.