Щивав инсанасда кIочон толаро,
ГIумрудулъ тIоцебе босараб гали.
Гьеб галилъун ккола гьабураб ригьин,
Ригьнада бергьани гьеб буго алжан.

ГIагарай Зубайжат, дуй нух битIаги,
Вищарав гьудулги лъикIав ватаги.
Дудаги гурхIулев, мунги йокьулев,
Данделъун ватаги дуда гIолилав.

Бищун дунялалда лъикIаб жо буго,
Цоцазда ричIчIулел дандчIвараб мехалъ.
КъваригIел гьечIеб жо гIадахъ босуге,
ГIадамазул хабар ботIролъги ккоге.

Нижеца киназго нужей гьарула,
ГьоцIо-нах гIадинаб гьуинаб гIумру.
Кьварарал васалги, лъикIал ясалги,
Гьел хьихьизе нужей маххгIан сахлъиги.