РорчIами, магIарул росдал жамагIат,
РорчIами, руччаби, чIахъаги лъимал.
ГьитIинабго росу гIурул мухъалда,
РакI гъурал гIадамал, ЦIияб сон барка.

Жакъа ниж нужехъе гьоболлъухъ щвана,
Школаги бихьизе, росуги лъазе,
Лъай-хъвайги гьабизе нужер лъималгун,
Асалам гIалайкум, дир ГIурухъ росу.

Нужей квеш букIана киналго лъимал
Ункъго класс лъугIидал нижехъги ритIун.
Гьанже лъикIаб буго росдал улбузе
Васалги ясалги росулъ цIализе.

Гьеб гьунарги буго директорасул,
ГIемер къеркьана гьев школа рагьизе.
Нужер рахъалдасан изну кье нижей
ГIабдулкъадирие баркала кьезе.