Дир рикIкIадаб росу, ЦIумада район,
Дудаса чIухIула кие щваниги.
Берцинал ясалги цIакъал васалги,
ЦIумада ракьалда гурищ рижулел?

Кидаго ракIалде ккезе букIинчIо,
ЦIумада ракьалде рагъ бачIинилан.
Гьеб рагъда гIумру кьун ракьулъе арал,
ГIолохъанал васал кида кIоченел?

Берцинаевасул МухIамадийги,
Сабигуллагьил вас Сулейманийги,
Ракь цояв, мацI цояв, Закаря, дуйги,
Ниж налъулал руго, нужей нижер рецц.

Жакъа нилъгун цадахъ гьанир гIодор чIун,
ГьечIо цIар ахIарал нилъер бахIарзал.
Я Аллагь, ратаги нуж алжан бакьулъ,
Нижеда кидаго нуж кIоченаро.