Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

Назад

ЧIорологи оцги

ХъахIилаб зобалда гъоркь,
Баркатаб ракьалда тIад.
ТIалдайилан цIар бугеб,
ЦIакъаб дуниял буго.

Хьонлъиялъул рахъалда
Руччарал рохьал руго.
Рорхатал бакълъабазда
ТIогьол халича буго.

ГIурчинаб авлахъалда
Чабхъил иццил рагIалда,
ГIурдул гIадал лъурдузул
Залимаб оцги буго.

Я харда кIал баларо,
Я лъеде борхуларо,
Хвезе бегараб гIадин,
ГIодоб чIван буго пакъир.

Сапаралде унелъул,
ТIад буссун бачIунелъул,
Салам кьола гьелъие
ЧIоролоялъ кидаго.

Цо нухалъ чIоролоялъ
Иццухъ рештIен гьабуна
Тамашаяб оцолгун
Дагьаб калам гьабуна:

Гьаб берцинаб дуниял
Дуда бихьулеб гьечIиш,
Къад бакъалъ беэдулеб,
Къаси цIваби кенчIолеб.

Мун унтун батанани,
Тохтур ахIизе ккела.
Кидаго бегун чIани,
ГанчIиде свериларищ?

Оцалъ бетIер борхана,
Тамашаго балагьана,
Цинги оцазул мацIалъ
ЦIорораб жаваб кьуна:

–ГанчIиде сверунго лъикI
ТалихI къараб оцое.
ГурхIел гьечIев чиясул
ХIайванлъун букIинегIан.

ХIалхьи дида лъаларо
ЛъикIлъиги бихьуларо.
Ихдал хурзал рекьула,
Хаслихъе лал гьабула.

Гьелъиенищ эбелалъ
Дун гьабураб, хьихьараб?
ХIинчI тамашалъана
Оцода ракI гурхIана.

–Вай гIадалаб, гIадалаб
Дуца бицунеб жо щиб.
Анкьил рекьи, микьил лал
Балагьлъуниш бихьараб.

Дида рихьана оцал
Хадур гьакалги рачун,
ХIур бахъарал нухазда
Халатал сапаразда.
Гьезда хIалхьи лъаларо
ХIухь бахъи букIунаро,
Гьадинал мучIдул гьезда
Макьилъцин рихьуларо.

Оцалъ бетIер борхана,
Зазде бер щвезабуна.
Мун цIалараб кибилан
Гьикъизе къасд букIана.
Амма хIинчI зазда гьечIо
Гьеб пархун ун батана.
Назад


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.