Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

Назад

Гьайбатаб хвел

Эбел зигардула, эбел гIодула,
ГIашикъаб магIу тIун ракIалъ ахIула:
Дир беразул канлъи кивдай мун вугев?
Кидаго гьей нухтIа ялагьун чIола.

–Вас дова рикIкIада, гIатIилъиялда,
ГIодов ккаралъуса вахъунев гьечIо.
ГIасиял рагъазул майданлъиялда,
БакIаб макьидасан ворчIулев гьечIо.

Гьабугьинан пулеб гьорол сас чIвала,
Гьелъ гьев гьогьомизе гьавулин кола.
Гьороца гьесул рас борхун бачIуна
Гьанже гурев гьанже вахъилин кола.

Гьениб сверихълъиго сихI къотIун буго
Жеги бахъун гьечIо бакIаб чIегIерги
Бидулал тушбабаз мерхьун рехараб
Харида тIогьолги гьайбалъи гьечIо.

ТIинчIаб най боржуна тIогьода сверун,
ТIадго рештIинчIого тIад буссун уна.
Наязул гьаракьалъ, наязул мацIалъ,
Гьелъ магIу гьабулеб бугилан кола:

Каранда гулла шун шапулеб мехалъ,
Щиб ракIалде ккараб рикIадав гьобол?
Гьавурай эбелиш, абурай ясиш?
Гьанир анишилан угьараб хIухьел.

Ахирисеб къо шун къаншулеб мехалъ,
Щиб дуе бокьараб ракь батIияв чи?
ТIулалъул ваццалиш, херав эмениш,
АскIор анишилан ургъел гьабураб.

Гьай талихI бугев чи, талихI бугеб хвел,
Духъ цIакъ гIададаго гIодула эбел.
Гьай хIурмат бугев чи, хIурмат бугеб хвел,
Хвелазулъ бищунго гьайбатаб дур хвел.

Дуда сверухъ хурдул хехго рорхила,
Харида тIугьдулги тIегьан рачIина.
ТIогьолъ най ахIтIела дур хIурмат гьабун,
Духъ цIакъ гIададаго гIодула эбел.
Назад


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.