Бертаде къачIалев вугилан ккуниш
Дир кавутIа рештIун бакънал тIамулел?..
ТIабигIат берцин щун воххун вугиниш
Дир рагъиде бахун кучIдул ахIулел?

АхIуге дие кечI гьайбатаб булбул,
Гьудулги рикIкIалъун ракI бакъван вугин.
Рачунге бакъналги къваридав дие,
Дандияй гьечIого чIунтун бугин ракI.

Дица гьудулалъул адрес кьелаан,
Гьелъухъе боржине кIвахIаллъичIони.
Боржине нухалги малъун телаан,
Гьелъий кечI ахIизе мун чIухIичIони.