Рукъоб лъимги букIун лъадае уна,
Лъаларо дидаго шай гьединали.
Гьаб годикIан къотIун ине бокьула,
Вай, букIинчIеб гIамал баккун буго дир.
Рукъоса къватIие яхъунарей дун,
Рукъги кIочон тола къватIий яхъани.
Эбелгун гурони хурий инчIей дун,
Дунго цо хутIизе бокьула магъилъ.

Дарай ретIаниги ратIлил берцинлъи,
РекIее гIолареб гIаламатго шиб?
ГIолилал хIайранаб хIатIазул роси,
Дирго бер шолареб, хIикматго кинаб?

Изнуго гьечIого чIегIерал берал,
Ралагьун ратула мадугьалихъе.
Цо вас вихьаравго чучула керен,
Лъаларо дидаго шай гьединали.