Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

Назад

Дагъистан

Рихьула гIатIидал
Рорхатал мугIрул‚
Рихьула гIазулал
ТIогьол авлахъал.

Гьеле гьеб ккола дир
ГIагараб ВатIан,
Гьеле гьеб буго доб
МугIрул Дагъистан.

Найил тIулби гIадал
Нижер росаби,
Цоцада рекIарал
Чармил кьураби.

Кьварарал васазул
ВатIан букIуниш
Чармилан абула
Гьезда гIадамаз.

Бокьарав валагье
Къер– кьерал тIугьдухъ,
Цояб бихъарабго
Цояб кIочонел.

Бицен буго нижер
Халкъалда гьоркьоб,
Ясал берцинлъиялъ
Берцинлъанин гьел.

Рихьула мугIрузда
Гъваридал кIкIалал,
ТIинде бер шоларел
Чанилал нохъал.

Жегиги магIарухъ
Гъваридаб буго
ВатIаналде рокьи,
Тушманасде ццим.

Гьужумалде унеб
Аскар гIадинан,
ГIорал рекерула
Нижер мугIрузда.

Тушбаби рачIиндал
АхIуд рахъунел,
Жиндирго лъимада
Релълъунин кола.

РагIула хIанчIазул
ХIасратал кучIдул,
Бул–булалъ рачунел
Гьайбатал бакънал.

Гьел кучIдул ахIизе
Ругьун гьарурал
МагIарул гIадамаз
Ратизе кола.
Гьаниб гьудуллъидул
Гьабула хIурмат,
Вацасдаса цеве
Рехсола гьудул.

Гьелъий нугIлъун руго
Гьал нижер мугIрул,
ГIумруялъ цоцада
Къвал бан хурхарал.

Бакъулаб абула
Нижер Дагъистан,
Сардалги къояллъун
Къалъула гьанир.

Гьелдасан бичIчIизе
Бокьун буго дий,
Нижей багIар бакълъун
Москва букIин.

Къоабилеб соналъ
Сталиница
Гьаниб съездалда
Доклад гьабуна.

Гьелъин дир Дагьистан
Бакъулаб бугеб,
Гьелъин гьаб Дагъистан
ТIогьолаб бугеб.

ГьитIинав вацасул
ЧIухIи букIуна,
БахIарчияв гучав
Вац нахъ вугони.

КIудияб Россия,
Рецц буго дуе,
Дудасан чIухIараб
Буго Дагъистан.

Рихьула гIазулал
Рорхатал мугIрул,
Рихьула гIатIидал
ТIогьол авлахъал.

Гьеле гьеб ккола дир
ГIагараб ватIан,
Гьеле гьеб буго доб
Нижер Дагъистан.
Назад


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.