Агъвалиса КIочIали
КIудияб нухги гьечIин,
Гьадин гIедегIун щайдай
Машинаби рачунел?
КIочIалиса Агъвалир
Хьвадулел нухлулалги,
ХIурулъ тIерхьун рукIиналъ
Рихьулелги гьечIелъул.
ТIасан гирун рачIунел
ГанчIал рихьулел гьечIин,
Школазде хьвадулел
ГIисинал лъималазда.
Районалъул бутIрузда
Рихьулел гьечIищ цIцIани,
Нухде тIадеги къотIун
ГанчIал гирулел ругел?
ГIадан чIвалел гIадинал
ГанчIал гирулел цIцIани,
ЧIвазеги бегьичIони,
Щибдай гьезда гьабилеб?
«ЦIумадисезул гьаракь»,
Дуде божиги буго,
ДуцагIаги ургъилин
Гьел цIцIаназе цо «хIукму».