Босе магIарул яс магIаруласул
Сагълъи дуй гьарараб урхъараб салам!
Лъелиш мугIрузул яс дир квералда квер,
Духъ гурони дица жеги битIичIеб.

РикIкIада мугIрузда цохIо тарай мун
Унарин рекIелъан цIар берцин Кавсар!
Къаси — къасиниги макьилъ йихьани,
КIочон толин дида бугеб гIакъуба.

ГIанди мегIер гирун дунгунги ячIун
Киве дун аниги дие хисичIей,
Кин дун сверданиги дир рукъ цIунарай,
Теги Аллагьас мун кидаго йохун.