Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

Назад

ЖамагIаталде

ЖахIда цоцалъ бижараб, хъамалчилъи гIемераб,
Балъголъаби цIикIараб, цIаларалги нахъ чIвараб,
Цогидазул ургъел тун, мунафикълъи бищиялъ
Иманалде ахIизе захIматаб халкъ гIун буго.

Пачалихъалъул закон чучлъун хIалтIуларелъул,
ХIакъалдасан батIулаб батIа гьабулеб гьечIо.
Тафсир тун таъвилалда гIемерисел чIун руго,
ГIадлу бажари бугев цевехъан гьаз толаро.
ХIукуматалда жаниб гIадлу — низам лъугIидал
Вацал–яцалазулъги гьуинлъи дагьлъун буго.
Такъва щибжо кIочана, мушавара тIагIана.
Гьеб данде бачуневги бетIер гьаз вищуларо.
КIудиясул адаб тун, гьитIинасул агъаз тун,

Къуръаналда какараб чиякълъи бищун буго.
АскIосел чидар гьарун, чидаразда къвал бала,
Росдаего жив лъикIав хIаким рикIкIад гьавула.

ТIахьазда жиб бицухъе, шаригIат малъи гьечIо.
Малъараб босизеги гIакълу гьанже гIолареб,
Гьелдасан инкар кквезе изну гIалимас кьолеб,
РакI гурхIараб халкъ бугин гIун бачIун гьал росабалъ.

РитIухъал законалги бусурман шаригIатги
Аслулъун гьаз течIого пашманго вугевин дун.
Дун гьанив мекъи вукIин лъицаго чIезавичIо.
ГIадлу росулъ гьечIого шушалеб бугин гьаб халкъ!

ХIакимзабазе хIели, хIарамабщинаб гьаби,
Росдалго хIажалъи тун эгоцентраби гIуцIцIи
ГIадатлъун лъугьун бугин гьал бидгIаял чагIазул.
ГурхIа мун, Аллагь, гьазда, иман лъе дуца гьазулъ.

Тухум–кьибилал цолъун, ритIухълъиялда хьвадун.
КIал базар, жагьил чагIи гIадлуялда чIезарун,
Жив–живасул махщелгун хIалтIуда гIадамал тун,
Бегавуллъи гьабизе вище гьелъий куцарав.

Биххун, гучаб улкаги хъамалчагIазухъе кьун,
ВатIаналдаго ханлъи хисаразухъе щвана.
ХIалалабгун хIарамаб, ритIухъабгун тIекъалаб
Бечедас къосаразе батIа гьечIеб гьабуна.

Жанисан вацIцIадав чи хъулухъазда дагьлъидал,
Рикь–рикьун жамагIатал бегьуларо рукIине.
Мажгиталда имамгун конторалда бегавул,
ЦIакъ рацIцIадал чагIийин рукIине колел росулъ!

БитIарасдаса хIинкъи — хIалихьатасул пиша,
БакI кквезе чиги вищун, чIунтизе тоге росу!
Хадусел наслабазе цIуне нужеца росу,
ХIал кIолесул ццин бахъун биххизе гурин росу!

Исламияб шаригIат АлхIам гIадин лъазабе,
ХIалалаб яшав гьабун какал къабуллъулел рай!
РитIухълъи цоцалъ цIунун гьуин гьаре цоцазе,
ЧIухIи рикIкIаде хьвагIун, гIадлу цIуне, хириял!
Назад


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.